منتديات رشا


 
الرئيسيةالمجموعاتالتسجيلدخول

شاطر | 
 

 فكرت ما حب لأن الحب عذاب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رشا
الإدارة
الإدارة
avatar

عدد الرسائل : 31
العمر : 24
تاريخ التسجيل : 29/01/2009

مُساهمةموضوع: فكرت ما حب لأن الحب عذاب   السبت مايو 23, 2009 7:48 am

أبد لاتسألين بغربتي عن آخر الأخبار

عمت عين السفر دامي أذوق المر من كاسه!



أنا اللي بسألك قولي.. جواب بكلمتين صغار

بلد من دونك (اش) يسوى بعيني؟ يابعد ناسه





حقيقه ما أطيق البعد لو هو بيننا أمتار!!

ولكن هالفراق أقوى ولاينفع به سياسه





ترى لولا اتصالاتك.. برغم اللي يدق.. كثار

حشى مافيه أحد غيرك يرد لصدري أنفاسه





ألا ياشوق خفاق ٍ ضويتي ظلمته أنوار

وصار اليوم ينبض لك مشاعر حيييل حساسه





تبي تدرين بفراقك معي يا الغاليه وش صار؟؟

تبي تعرفين مجنونك وش اللي قالب ٍ راسه؟؟





لك الله عايش بحالي/ لحالي.. شاعر ٍ منهار

وأنا كل ما طريتي لي صرخ شعري بقرطاسه!





يمر يومي.. ولابه غير همي والحزن زوار

عسى الله يرحمه حال ٍ غدا هالثنين جلاسه





شحن جوالي أنهيته!! أقفّل .. وافتحه أمرار!!

قسم لولا رسايلنا .. حبيبك قاتله ياسه!





على برد السنه هذي ذكرت المدفأه والنار

وشال من الفرو كل ما لمس يد صاحبه باسه





فقدتك والدمع لامن ذكرتك يفضح الأسرار

ولا أشره على وقت ٍ به الأيام دساسه





أسلي نفسي بكثر الأماني.. واليدين قصار

وأنام وربي العالم وش اللي خاطري حاسه!!!





كأني من ملك أسهم يبي تضحك له الأقدار

وقدّم كل ماعنده.. وفجأه أعلن إفلاسه!!





كأني طالب بغربه.. تذكّر عيلته والدار

وهو كل ماذكر أمه! ملا هالدمع كراسه





أعاني كثر ماتملك ومالك بالحشى تذكار

و(أحبك) والبلا حبك أبد ما أملك قياسه





جعل في داخلي عرق ٍ سمع بك يا الغلا ماثار!

يموت.. و وش لي بعرق فوصالك ميت إحساسه





حياتي تسأليني عن جديدي بالشعر وأحتار؟

وش أكتب لك شعر وانتي غديتي اليوم نبراسه!





ولكن أوعدك شعر ٍ لاقوله يتعب الشعار

متى ماشفتك وموعد لقانا دقت أجراسه





لأن مافيني أتحمّل بعادك في سفر وانهار

عسى لايعيدها سفره.. ولو هي كانت دراسه!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alrasha.ahlamontada.com
ShoSho
عضو جديد
عضو جديد


عدد الرسائل : 14
تاريخ التسجيل : 19/08/2009

مُساهمةموضوع: رد: فكرت ما حب لأن الحب عذاب   الأربعاء أغسطس 19, 2009 9:38 pm

كلمااااااااات راائعه
وحرووف محكمة الصيااغه
احسنتي الاختييار عزيزتي

ويسلموو ع النقل امتعتنا حقآ

ودي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رشو
عضو جديد
عضو جديد
avatar

عدد الرسائل : 5
تاريخ التسجيل : 01/01/2010

مُساهمةموضوع: رد: فكرت ما حب لأن الحب عذاب   الجمعة يناير 01, 2010 8:06 pm

يعطيك العافيه\


قلبو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
OoميموOo
عضو جديد
عضو جديد
avatar

عدد الرسائل : 57
الموقع : الرياض
تاريخ التسجيل : 12/07/2011

مُساهمةموضوع: رد: فكرت ما حب لأن الحب عذاب   الثلاثاء يوليو 12, 2011 11:23 pm

كلمات جميلهـ

مشكـــــــورهـ

واللهـ يعطيكـ العافيهـ

وبنتظار ابدعاتكـ القادمهـ

تقبلي ردي وعبير ودي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فكرت ما حب لأن الحب عذاب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رشا :: منتديات أدبية وشعرية :: منقولات أدبية-
انتقل الى: